Goar ni buah

Molo didok na marsatur, di hita halak batak, sada permainan naung tung ditanda halak hita. Dilapo, dijabu, di arisan nang didia pe tahe halak hita marpungu-pungu, tarlumobi ma didongan ama. Ai adong do istilah ni halak hita na mandok, molo marpungu halak batak dua halak marsatur manasida. Ndang na manuhuthon parsaturon pustahangkon alai na adong do na geok, ima tingki masatur dongan di sada lapo.

Tung na tabo ma tahe parsaturon ni si Lambas dohot si Turpuk di guling ari i, dung mulak nasida sian ulaonna be, tor dilului nasida do papan satur on, dungi rap hundul ma nasida nadua topet di linggom-linggom ni hau nabolon apala di jolo ni jabu i. Tung mansai tabo ma tahe nasida nadua na marsatur i.

“Ah…sai holan na satur i do diula hamu, ai mangan sian i??” ninna si Saroha, sahalak sian dongan nasida, nabaru ro sian ulaonna
“Dang diantusi ho be i lae, lao ma ne tu jabum”
“Marhulinghulingan ma hita alai tabaen ma partaruanna hepeng…” ninna si Saroha huhutma muse dipahundul di karosi panjang i.
“Molo diboto hamu mangalusi sukkun-sukkun hon, hu garar pe tuhamu saratus ribu, alai molo dang diboto hamu, tolupulu ribu pe lean hamu” ninna ibana muse manguduti.

“Bohai???…” ninna si lambas huhut di paso namarsatur on.

“Nion ma sukkun-sukkun na, lului hamu ma goar-goar ni buah-buahan na dimulai sian huruf N, lima pe…” huhutma dipeakkon hepengna saratus ribu.

“Bah…serius do on??” ninna si Saroha.

Dungi marrapot ma nasida, nadua mangalului alus ni sukkun-sukkun on.

“Nangka…” ninna si saroha
“Nanas” Ninna si Turpuk muse

Dungi sai diingot-ingot nasida ma muse aha dope goar goarna i. Alai tung marnaloja ma nasida nadua. “Nunga jut be??” ninna si Saroha
Ala so boi be dapot nasida satolop ma nasida mangolophon.
“Ah…dakdanak an pe diboto do i, boha hupasahat ma tu dakdanakan??” ninna muse
“aha do maksudmu?? sedangkan iba nunga loja, hape didok ho dakdanak”

“Anto,….sini deh, tulang kasih pertanyaan, kalo bisa jawab nanti tulang kasih sepuluh ribu….”
“Apa tulang??”
“Coba sebutin nama-buah dimulai dari huruf N”

“Nanas”
“trus??”
“Nangka”
“Trus??”
“Nunian…Nuku, Niknang…”

Hape na hallang do makkatai dakdanak on, sai hira na tunagratia do ibana…

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s