Saleg….

Di masa-masa ni pemilu si nuaeng on, parsidohot do ibana gabe sahalak saleg. Diula ibana do mulak tu hutana, tu Pulogiring, ditinggalhon akka ulaonna di Jakarta holan laho dohot jonjong gabe  sahalak saleg.

Marmassam do sakkap ni rohani jolma na gabe saleg on, alai sude na I tahe massai uli ma begeon moo nunga pasahathon sakkababa hata tu loloan na torop. Ai sude do mandok nalaho padengganhon parngoluan ni saluhut pangisi ni luat I, ima marhite na tarpillit ibana gabe anggota dewan.

Eme namasa digagat ursa, I namasa I ma niula ninna pandohan ni akka natuatua najolo. SOngoni ma nang AmaniKober, dinalaho jonjong ibana gabe saleg on, dihara do mangan sude nasahuta I, dipatupa do sipanganon na denggan nang dinalao mulak akka dongan sahuta na on, di pamasuk ibana ma ampolop tu sude jolma na ro I, laho pasi tuak. Ninna ibana.

Alai, dang holan i. Nang pe tardok halak siboto surat AmaniKober, tong dope dihaporseai ibana poda ni akka nabisuk, ima marhite lao mardatu. Diborngin I, laho ma ibana ‘manukkun’ tu sada datu panukkunan di huta i. Manukkun bohado tutu parnasipon di hajonjongan ni ibana di hasalekon on. Diboan ma timbaho na angur dohot ringgit sitio suara i. Dang lupa ibana mamboan kalender dohot akka na asing asa diupa-upai datu on andorang so dipalleani ibana tu jolma torop i.

Ai dibege ibana, datu na gogo situtu do tahe datu natinopotna on ima OppuPanukkunan.

Jalo di tomu datu ibana, jala tor dihobasi ma akka ula-ula hadatuon, dipahembang ma lage tiar laho hundulan ni temue on, jala di baen ma pardupaan sia hamijjon na angur huhut digalahi sigaret panukkunan na binoan ni AmaniKober i. Dungi di mulai datu I ma martonggo tu junjunganna parohon tu dagingnga.

Songon na porsea situtu do tahe amaniKober mamereng namasai ai pola do dibege ibana marngongos alogo sian alaman ni jabu I, ai dipikkir ibana nunga ro be.

“Dok ma aha naeng sisukkunonmu….”

“Imadah oppugn, nunga ro au sian luat nahinadaoan amndapotton oppui, tutu adong do naeng husukkun jala hupangido…” huhutma dipajonok ibana saotik.

“Dok ma…”

“Songonon do oppugn, ai nunga dohot au saleg sian Partai Jabijabi, jala mulak pe au tu hutaon sian tano pangarattoanhu di Cikarang holan alani I do, jadi boha do hira-hira hajonjonganhu…”

“Bah….nauli mai, molo naeng jonjong ho…jonjong ma”

“Akkup ni I oppugn asa lehon jo akka nahombar tusi, songon na hudok nakkinon maju do au gabe saleg sian luat ta on…”

“Ima…molo naeng maju ho maju ma…”

“Nion ma oppugn songon parsattabian hu” ninna ibana huhutma di dadap sakku ni bajuna jala di jalangkon ma sada ampolop.

Songon na marungut-ungut, marsoara na metmet ma datu OppuPanukkunan on huhut ma sai mangkahitir tanganna doppak pardupaan i.

“Jala nion ma kartu nama nang kalender Oppung, na hupangido asa baen oppugn ma jo na mardomu tusi, asa unang littun rohani jolma I sian ahu molo nunga di jaloi be anon kartu nama nang kalender on” ninna AmaniKober muse, huhut ma dilehon kartu nama apala sapalastik godangna nang sagulungan na bolon kalender.

“Ai hubereng songon na adong do hangalanmu, jala olo do on anon mangambati sitta-sittami” ninna datuon

“Ahamai oppugn…”

“Adong do parbadaanmu dohot haham, abangmu….”

“Dang adong nian oppugn, jala dang adong abanghu Oppung, ai au do siakkanangan” ninna amani Kober manglusi

“Sian natua-tuam marhahamaranggi..”

“Tong do dang adong oppung, ai siakkangan do damang parsinuan…” ninna AmaniKober mangalusi, jala songon na bingung ibana.

“Bah….ai sian oppung mu attong, da haham do tongi??” ninna Datu on muse, huhut songon nab alga soarana.

“Olo oppung…..ai oppung pe anak sasada do, …”

“Oppung ni oppung??” ninna datuon

Marpikkir ma AmaniKober, dang toho hadatuon ni bayon, datu pangolpuk do on, datu naso sisukkunon, datu pargabus. Nunga mulai songon na moru haporseaon ni ibana, dipamasuk ibana ma muse sude nabinoanna I tu tas na dungi hehe  ma ibana didok ma “Dang toho ho datu….”

Disarat ma sipatuna, jala jonjong ma ibana. Dung meret ibana doppak pittu ni bagas I, ambal ma pamerengna tu samula siamunna dibereng ibana ma disi sada kalender na bolon. Di si adong gobbar ni datu I, jala tarsurat ma disi

“Mohon doa restu….”
Datu Panukkunan, datu no 1 di luat on. Saleg no 1, Partai Parbalongkang. Dapil 3 Kec. Pakkat, Parlilitan, Tarabintang.

Hordit ma rohani AmaniKober, Bah..ai sadapil do hape hami, asing partai, saingan I do hape, patut do….

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s