HATA SO PISIK

Sehat babi i….

Andorang so lao maronan, dimanogot na i nunga diparade amanTure siboanon na somal tu onan, ima anak ni pinahan manang babi na laho tiga-tigahononna. Ai tarsar do tu sude luat na humaliangsa na tokke babi ibana. Ia tung adong na jalak-jalak ro sian huta na asing, molo tung disukkuni jolma torop i, holan didok tokke babi, bah tor tu ibana do tujuon ni jolma.

“Bah, ai lao tudia babi i??….” ninna AmanJamorodng dung di ida ibana AmanTure manarat-narat babi.
“Tusan do lae bah, tu onan an do annon” ninna AmanTure mangalusi huhut sai digogo namanarat anak ni pinahan on.  Dungi rap sadalanan ma nasida nadua jala huhut manasida martaringot-taringot. Ai mardongan do nasida, mulai sian najolo pe nunga mardongan nasida jala sude do umboto i. Rappak mangaratto donasida nadua tu Jakarta jala rappak mulak muse tuhutaon, ai ninna barita ni akka tutur, naso manjadi do niula ni tanganna  nasida na dua dipangarattoan i. Haru i pe, datung na masibotoan nasida nadua na gabe rappak mulak be.

“Bagag babi i ateh lae, momok jala ias muse, las roha marnida” ninna AmanJamordong muse
“Olo bah lae, sai laos ma”
“Sehat do babi ateh…”
“Songon naung ni idamuna ma lae neh..” huhut sai di sarat anak ni babi i, jala sai naeng marlojong idaon ganup pajuppa tu akka pamolus.
“Ai dia inangna lae…”
“Dipanganakhon dope lae, di jabu ni OppuJumara”

Ganup pajuppa tu dongan pamolus sai holan sada do sukkun-sukkunna, ima “tudia babi i” jala to hatop do dialusi amanTure na mandok “tu onan an do bah”.

Dungi marsirang ma nasida nadua, dipikkiri AmanJamordong nang akka pamolus i ma dibagas rohana, loak nai au mangalusi bayan. Patut do sai songon na naeng mekkel ibana molo sai hualusi sukkun-sukkun na i. Ai au do maksud ni bayan gabe babi??……

3 thoughts on “Sehat babi i….”

  1. sai adong-adong do turi-turian ni Tulangon ate. adong na lungun , adong na seget, adong na manceritahon hadangolon dohot lan angka na asing. alai sian turi-turian na diginjang boi buaton sada kesimpulan, molo adong manungkun iba manang taringot aha pe i ingkon naeng ma nian jamot iba mangalusi. jolo piningkiran aha do maksud ni sungkun-sungkun na i, jala aha do na pantas alus ni sungkun” i. Boi gabe sada parsiajaran ta angka dongan . . Mauliate . . . di Tulang !!! Horaasss . . . ! ! !

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s