Lippat ma…..

 

Dang pola situdu goar jala dang denggan i, alai didok ma nian amanta on Sintua HUSH!!, na baru pe ibana diangkat gabe pangula ni huria na adong di luat i. Didok SITTUA HUSH, ala sijaga-jaga pittu ni gaerja ma molo masa parmingguon, ai olo do masuk MANUK, ia so i PANANGGAI. Jadi molo masuk akkaondeng, Hus…hush….ninna mangalele. Sada sihalashonon hon do nian i, jala diparniulaan na siganup ari pe tarida do dibaen amani Lonong maradophon donganna sahuta, tarlumobi ma maradophon akka ianakkon na. Rajin do ibana marminggu, dungi mangangkat-angkat bangku, mamalu giring-giring ni namate, alai olat ni namanjaha tinting dope na tolap ibana. Olat ni na papungu durung-durung ianggo ibana. Anggo maragenda, sai dijua ibana dope, ninna olo manggirgiri molo manjaha hata ni Debata. Tung massai longang do attong nasahuta i mamereng pangalahon ni amani Lonong, ai tangkas do diboto nasida ise amani Lonong, di tikki so sintua ibana jot-jotan markartu-kartu do ibana di lapo ni oppung nisi Pardomuan na disippang opat an.

 “Didia boi sintua noni, ai holan markartu do ibana” ninna nadeba, nadeba mandok “na naeng masa nama aek na sumar naeng? ai nunga tobat amani Lonong” jala na deba mandok “nga kode alam “on ninna ama-ama si jaha togel.

 

Alai, dipataridahon amani Lonong do sian pangalahona naung maruba i tu akka donganna sa parmeam-meaman hian, jala lam leleng gabe porsea ma akka donganna naung maruba hape ibana. Dang dong be manungguli akka ula-ulana namarkartu i najolo.

 Ah, tahe,..nga leleng iba gabe sintua, soadong dope na boi ne lehon hadengganan tu akka dongan, ua hupodai ma jo akka dongan parkatu an, atik boha boi maruba nanget-nanget songon au, ido asa adong laatanna iba sintua, ninna amani Lonong dibagasan rohana. Toho do nian na nidok ni amani Lonong ala di lapo ni Oppu Talhus na jonok tu gareja i, sai joot-jot do akka dongan ama naumposo markartu i disi, nang pe holang 200 meter gareja, sian manipat ari holan na markartu do akka ama-amai disi.

 

Ditikki ro amani Lonong tu lapo i, dibereng ibana ma donganna amani Peut, tung massai lalap na mar kiu-kiu (Q-Q) i, jala sipata mekkel sipata murhing. Ra molo jago kartu ni ibana, tor songon na serom do ibana, alai molo nga roa kartu i, tor sai didorguk do tuak na dijolona i sagalas-sagalas.

 

“Ai paso hamu ma na markiu-kiu i lae amani Peut, dohot ho appara amani Raus” ninna amani Lonong huhut nger-nenger maddok.

“Ai dang dibereng hamu nga borhat parminggu an? hape hamu mulai nantoari dison?” ninna ibana muse tu donganna i, alai lakso adong mangalusi ibana.

Tep ma, dung dibagi kartu kiu-manang dobol- i, maropat-opat, pittor didok amani Peut ma
“Pa soon do nimmu on lae?? ” huhut di pamiding saotik kartu na i tu amani Lonong. Hape kartu ni amani Peut nunga KIU-KIU (QQ).
Holan dibereng amani Lonong songoni tor didok ibana ma ” BA LIPPAT MA LAE, NGA MONANG I…boasa pasoon??”

BAH!!!…. 

3 pemikiran pada “Lippat ma…..

  1. Horas !

    Bagus Lae, teruskan dan tekuni bidang yang satu ini. Suatu saat bangsoi akan mengenal Lae sebagai penulis humor Batak.
    Selamat melanjutkan !

    th a anton pasaribu

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s