TORSA

Hurang pat na sada nai

Hatiha si saonari tung mansai godang dodibaen akka perayaan tu parningotan ari hatutubu ni sipalua i. Marragam do akka ulaon di patupa diganup punguan. Olo binereng, saripe tolu manang opat hali ma marulaon mamestahon ari atutubu ni Tuhanta Jesus. Dohonon ma mulai sian margana, marga ni ina marga ni tulang, parsahutaon, arisan dohot na asing.

Taringot tu hepeng manang sihumisik rupani, dang pola sukkunon be dison. Molo lima pesta ni ihuthon hali ma saratus ribu, bah nga hona satonga juta ganup ripe. Dang haru binoto, boasa sai diula dongan songoni. Anggo songon iba sandiri hurang hona do turoha. Molo tung pe ikkon baenon songon sada pesta natal, siat ma nian holan na marayat-ayat di gareja, unang pola simangan-mangan. Asa unang paborathon di akka keluarga na lobi hurang passarianna songon iba on.

Ai ninna roha so disi impola ni natal i.

(taringot tu natal ni halak batak, adong dope tulisan hu ….annon ma).

Ditahi parhobas ni pesta natal i do laho marpungu, jala nian ala nunga jonok nama tikki naung tinotophon, arop roha ni uluan ni parhobas, manang katua asa rippa sude nasida ro marapot manghatai taringot tu siulaon sogot.

“Bah, ai dia kedanta amaniJatolhas, songon naso tarida halimosna, hape ibana do innon na padenganton gedung (dekorasi)” ninna amanJujur, ima katua panitia

“I tutu bah, sotung so diboto aha siulaonna” ninna bendahara, amanTiur
“Tapaima ma jo dah apala satokkin nai, atik boha alani ribbus i, gabe so boi ibana ro, niantuasan ma namarmotor on” ninna salah panitia na asing.

Dipukka ma muse nonang, jala aha si hataan taringot tu pesta natal i dimulai ma dihatai. Nunga lobi sajom alai dang marnamullop amanJatolhas. Sukkun-sukkun ma nadeba.

“Bah, ai esemes ma jo dah” ninna sahalak ina.

Dungi di buat sahalak panitia ma hepponna jala hatop ma di esemes amanJatolhas. Nian tor maralus do esemes i, didok ma sian bariba an, ro ribbus jala songon na marun-marun ibana.

Dipaima muse.

Nga sajom nai, nunga lam ro ma udan sibbur-sibbur, hape tu dekorasi nama sihataon on, jadi ikkon disi do amanJatolhas.

Ro ma sahalak mandok “Ai aha do huroa isi ni esemes mi? boasa dang ro ibana?” .

“Dia nomor nai, asa hu esemes” ninna ibana muse.

Dang sadia leleng rupani mullop ma amanJatolhas, songon na maraek dope pahaeanna, huroa di taotton ibana do ribbus i. Jala songon na somal rupani tor di hara parjabu do laho marsipanganon.

Tung mansai longang do rohani amanTiur tu amanJapikkir, ima amanta na mang-esemes nakkinon. Dihusiphon ibana ma jala disukkun “Ai aha puang dibaen ho isi ni esemes mi, tor ro do bayan, ai na ho nama jolma sihabiaranna diportibi on?”

“Daong amang uda, jaha ma neh” ninna amanJapikkir

Hape saotik do isi ni esemes i, hatop ho ro, hurang pat na sada asa tamulai na marulaon na hohom on. Holan ido isini esemes i. Rap mekkel nasida nanget, hona esemes i tu nagatal i..,….

1 thought on “Hurang pat na sada nai”

  1. …………., hatop ho ro, hurang pat na sada asa tamulai na marulaon na hohom on,……..
    Ai na marjoker karo do maksudna??. heeeeheeeee……..

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s