HATA SO PISIK

Tejju ni hela

Didok dongan di hata lalun, mandapothon dongan tubu ninna boanon takke ,– kampak. Adong dongan tubukku par-Kanada, ido mangajari au. Ai didok ibana, Lumban Gaol sian Kanada ninna ibana. Hape nahuboto, nda holan dua do Lumban Gaol, ipe sian Humbang do. Alai, ibana ninna asli sian Kanada do. Jadi ibana do mandok, upani dongan tubu ninna takke do. Dang porsea hamu? sukkun hamuma ibana.

Ia suhutanhu naditoru on, ima sahalak na mamboan lopeng-lopeng, – toyor-toyor- tu simatuana. Sahalak ama-ama na saddu marbola, manonton bola nang akka na maccam na adong hubunganna tu bola. marbola tullang, marbola beguaha pe i, asalma marbola. Suddat do bayon manang marahua, molo adong siaran ni tipi marbola. Ai haru ‘tarkam’, manang parbolaan –antar kampung– ditotton on do.

Suhutan ni dongan do nian, disipak ibana ma simatuana dilapo alani rap koji manotton bola. Songon na hudok di gijjang, toyor-toyor do mandapothon simatua.

Sai na uttabo do manotton bola rap dohot akka dongan na rap koji tusi, ribur-ribur huhut marsurak be molo tim niba i naeng pa-gol-hon. Jala boi nikomentaran parbola i, sai hira iba na ummalo sian pelatih, jala sai hira komentator iba. Hatiha di malam minggu, ditahi siJamordong ma lao manonton bola, ima liga Inggris di lapo ni Amantumiur nadi sippang opat i. Nunga jam ualu borngin, di engkol ma kareta on jala dipadalan nanget.

“Bah, ai tudia hamu amang hela…” ninna AmanTugo, dung dibereng si Jamordong mangengkol kareta.
“Tu lapoan do amang, manotton bola dohot akka dongan” ninna mangalusi huhut diturushon mangengkol kareta,–motor on. Ai diboto ibana do na koji do tong simatuana i tu na manonton bola.

“Attong rappak ma hita, disi ma hita manonton” ninna huhut didilo nanget tu bagasan jabu, dibereng ma simatua boru ni siJamordong nunga tutu manonton sinetron. Somalna, molo nga songoni dang boi be gattion siaran ni tipi on. Borhat ma nasida nadua marbossengan tu lapo ni Amantiur di sippang opat. Tutu ma nian nunga tung ribur lapo i, rappak marsurak be. Huro na main do MU dohot Chelsea jadi tung tabo ma tahe na manonton i.

Asing tim ni si Jamordong, asing muse do tim ni simatuadoli na i, –amanTugo. Ia siJamordong, Chelsea do di ibana, ninna songon na jago do permainan ni Chelsea i. Alai anggo AmanTugo, MU do jagoanna. Rara ninna jala jago muse. Rappak huddul do nasida nadua namarhela marsimatua di bakku pajjang, huhut ma di jalo nasida sagalas be tuak sian parlapo i.

Holan tu tipi inama mata ni namanonton i, aut sura masa porang, nga dapot sude salapo, ai so diatturehon agia aha poe. “Sipakkon…gol..gol…gol ho!!” ninna siJamordong molo dung diserang MU.
“Dang adong i, dang main i…” ninna AmanTugo muse simatua na i sian jolo, nanget.

“Buat pat na i, salpat, bakkahon ma…..” ninna muse huhut ma sai songon na dohot ibana mangososhon patna ditoru ni meja pajjang i.

“Boha baenonna, apala na germe-germe, marlojong pe soboi be si Ballak i…” ninna AmanTugo muse, ala dibereng siboan si Ballak bola i tu baba ni kiper ni MU. “Eah…dang adong niabbul ni i” ninna muse.
“Pa gol,….sipak….lean tu ambirang, maju ho aha, sai dipudi…” ninna si jamrodong muse ala dibereng si Lampard sai di tonga.
“Dipikkir hamu do na margala tikko on, jago do MU i, bereng ma neh, nga marbalik be serangan i, lele torus..ima..ima…..” ninna amanTugo muse disi marbalik bal i tu sabola Chelsea.

Marsigulut ma attong akka namarbola di di baba ni gawang ni Chelsea i, gear ma manonton di lapo i. Huroa holan si Jamordong do majjagohon Chelsea, ai tarida do suara ni jolma nadilapo i. Sai saongon na dohot be idaon mangodon, naeng manipak, jala sai naeng marlojong be.

“Sipakkkon kiper, eah…eah…otoni kiper…..sipaaakkkkkkk” ninna ibana mahuhut ma disipakkon ibana patna ditoru ni meja pajjang i.

“Amangoi, hassit nai….nga mate au..” ninna amanTugo huhut marijjak ibana, mangangkat pat na i, huroa tarsipak gogo dibaen siJamordong. Mangangguhi amanTugo maniop patna.

Golap bohi ni sijamordong dang haidasa be simatuana i, mangissugut ma ibana tu pudi nanget. Dua hali mallapak tusimatuana. Ai di ingot ibana dope tolu bulan na lewat pe di toyor ibana simatuana i di jabu. Tikki rap manonton si Chris Jhon martejju dohot halak amerika i. “Lotak…lotak….toyor, KO hon…”ninna huhut abbal tanganna gabe hona tu bohi ni amanTugo.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s