Masitarhilala…

Sogot di manogot ni ari situtu, nunga borha amanJaringgas sian jabu. Niantusan ma nuaeng boha ma sahalak par-ojek. Ai anggo dang dimanogot, andorang so bissar dope matanaiari, disolpukhon satokkin, bah sadihari be. Ai disido godang panuppang, akka na tu sikkola, nang tu karejo.

Dihapadothon jala di haserephon ibana do ulaonna, nata pe rupani dang gabe par-Ojek hian anggo sinitta ni rohana. Alai bohana, dukkon bangkrut ingananna parkarejoan, disada perusahaan Jepang, bah, manang karejo ahape i, diula ma. Didok nadeba “Asal halal”. Panomat paima-ima dijalo deba ibana karejo di perusahaan. Pima-ima panjoun ni parperusahaan marhite surat lamaran naung pinalleanna.

Hatopma dilojokkon ibana, isi diida dua anak boru jonjong paimahon ojek. Nakkok ma anak boru nadua on tu tu kareta i, dungi dipaboa lao tu dia nasida. Ima lao interview tu sada perusahaan.

Niattusan ma na marojek, mamboan toluhalak, boratan ma motor on gabe songon na meol-eol ma. Ai asa hatop sahat ninna rohani amanJaringgas, dipalikka ma motorna on. Alai, ala sega ni dalan, sipata toppu muse di rem. Songoni ma manang na piga hali.

“Ai na dituttun amattaon ma ra i, akke, direm toppu-toppu” ninna anak boru na ditonga-tonga i, huroa halak batak. Sip do amanJaringgas. Lao tu pikkiranna, ah…boru ni halak hita do hape na duaon. Annon ma marsitandaan, ninna.

Dang sadia leleng, di rem ibana muse motor on. Huroa, ala ni songgotna, ujjom ma tujolo anak boru nadua on. Ninna nadi pudi sahali i ma muse ” I do ra, toppu-toppu direm, asa sai di haol ho”.
“Ollobolokni, dang motan pangojek on”
“Marsitarhilala, tor haol ma asa sobbu rohana” ninna sian pudi muse.
“Ala bauna mamujjung” ninna anakboru naditonga-tonga i.
“Nasongoni do parpumna”

Sai massialus-alusan nasida, huhut ma mekkel-ekkel nasida nadua di pudi. Alai anggo amanJaringgas nga mostok ate-atena. Paitte!.

“Ai da tarhilala naruham hona-hona tu tanggurung na i?, eah, bereng ma pangarem-pangarem nai” ninna sian pudi muse.
“Anggo marsogot bah, homa dijolo, datung sai holan au” ninna sian namarbaju partonga-tonga i.

Sahat ma di tujuan, tuat ma nasida. Dilean sahalak namarbaju ima hepengna sappulu ribu. Ala dua halak. “Kurang ini” ninna amanJaringgas.
“Kok kurang, biasanya segitu, mahal amat”
“Iya, Sepuluh ribu satu orang” ninna amanJaringgas.

“Bah, arga mai ateh, somal na sappulu ribu do hita nadua, nga mamujjung on, ala songoni roa ni motorna nang halakna” ninna sahalak anak boru.
Tor dialusi amanJaringgas ma “Ido, arga do, roa pe motor hi, alai ido dalan ni ngolukku, unang lea roham. Dia sapulu ribu nai”

“Bah…bah…ai halak batak do hape tulang?”
“Dang tulang mu au, beguan ma tulangmu, dang adong motammu, gijjang roham” ninna huhut dijalohon sisappulu ribu nai i, jala lao ibana. Mekkel amanJaringgas dibagasan rohana mida nasida nadua, tarhatotong!.

2 pemikiran pada “Masitarhilala…

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s