Tikting Hamauliateon

Holan sirikkot-rikkot do nian suhutan on, datung adong roha lao pahata-hata sittua. Nata pe rupani suhutan sitoho do on. Dinasahali, manjaha tikting ma sittua di sada gareja. Attar somal do rupani, sai dijahahon do sude akka tikting namasa nang akka na aeng  sipamasaon di huria i. Mangihut ma muse, dijahahon do tikting parhepengon. Sada-sada. Gabe olo tok leleng, namanjaha tiktingon. Datung songon saonari rupani, ai molo di huta na ribur on, holan tikting na marboho nama dijahahon. Anggo songon ulaon nasomal, dungi, tikting parhepengon dang di jahahon be. Ai nunga disurathon i di sada harotas. Jala ganup do ruas  dapotan i.

Sude barita nang akka parhepengon dipasahat ruas i do tu bendahara, jala hatop do rupani disurathon amanta sittua bendahara on akka tikting i. Ai olo do songoni, ala nalom gabe so di surathon. Ujungna, dapot minggu, dang ditiktikhon. Olo gabe lulu-lulu ruas i.

Huroa, dang amatta sittua bendahara na manurat tikting di minggu on, ala lao nasida mangebati anakkonna. Dipasahat ma bukku tikting on tu guru huria. Ai guru huria do songon uluan di huria, jadi molo dang boi martikki akka sittua, tor hatop do amanta guru huria manggattihon.

Dipasahat amanta oppuJamordong do hamauliateon ni rohana tu huria siala hipas-hipas do nasida mulak tuhuta, suang songoni nang pinomparna di tano parserahan. Di minggu na salpu lao nasida mangebadi anakkonna tu Jakarta.

Ra, ise ma naso mananda oppuJamordong, anggo pala diluat i rupani tarbarita do ibana. Dang pola nihataan anggo tu burju marhuria, ba anggon subbangan tu gareja sai adong do sian ibana. Sahali tolu bulan sai dipasahat do hamauliateon tu gareja. Lumobi ma molo manongos anakkonna. Ai binoto do nuaeng, anggo pinopparna di Jakarta nunga tung marjappalan na lomak. Saotik hurangna, ima molo  mangalean subbangan tu gareja, sai tor dijahahon sittua i ma nian gogo jala takkas, asa diboto halak na manubbang ibana.

Disurathon ibana ma halaoan ni subbangan on sada-sada. Somal do i, ai sude do punguan kategorial nang sittua, dapotan. Dibaen ibana ma tu pararikamis duapulu lima ribu, ai oppu Jamordong boru anggota ni parari kamis do. Dungi tu koor ama duapululima ribu, tu guru sikkola minggu duapululima ribu, tu paddita resort limapuluribu, tu parpotimaredde sappululima ribu, tu naposo bulung duapululima ribu rupia, tu huria limapulu ribu rupia, tu diakoni sosial duapululima ribu rupia, tu pangula ni huria sappulu ribu rupia. Pungu ma sude duaratus lima pulu ribu rupia. Hepeng pas!. Jala ris.

Holan dilean rupani hamauliateon on, mulak ma ibana sian jabu ni guru huria na manggatti bendahara i.

Disurathon ma songon naung tarsurat di harotas sisallebbar i. Dibaen ma sada-sada. Alai dung sidung disurat ibana sude, manginongi do huroa dirohana. “Daga, ai tung sappulu ribu do naeng leanonni oppuJamordong on tu pangula ni huria?, sumalim tu pangula ni huria naunggelleng,..” ninna marungut-ungut.

Disurathon ibana ma ungut na i di bukku tikting i. Dang binoto aha lapatanna, alai gelleng ma dibaen. Didok disi “Lak holan sappulu ribu ma leanon ni OppuJamordong tu sittua hape songoni godang pasu-pasu dijalo pinopparna, sumalim i?”. Ima dibaen disi. Lao do tu rohana, datung jahaon ni si jaha tikting i, ai holan akka sittua i do naumboto i. Jala asa diparrohahon donganna sittua.

Masa ma minggu. Jala masa ma manjaha tikting. Didok sijaha tiktingma “Tikting na mangihut,…di jalo huriatta do hamauliateon sian sahalak ruas ni huriatta ima OppuJamordong, siala dilehon tuhanta hahipason, nang akka pasu-pasu, suang songoni hipas nasida mulak sian na mangebati huta parserahan ni akka gellengna. Alani i, disilas niroha nasida dipasahat ma hamauliateon tu huria, ima tu pararikamis duapulu lima ribu, tu koor ama duapululima ribu, tu guru sikkola minggu duapululima ribu, tu paddita resort limapuluribu, tu parpotimaredde sappululima ribu, tu naposo bulung duapululima ribu rupia, tu huria limapulu ribu rupia, tu diakoni sosial duapululima ribu rupia, tu pangula ni huria sappulu ribu rupia. Pungu ma sude duaratus lima pulu ribu rupia”

Dung sip sangobbas sittua on, dijahahon ma muse, ” Lak holan sappulu ribu ma leanon ni OppuJamordong tu sittua hape songoni godang pasu-pasu dijalo pinopparna, sumalim i…?” ninna sian langgatan.

Gear jolma, mekkel mallakak. Alai anggo bohi ni oppuJamordong nunga marrara situtu. Ikkon hupaduppar, molo rikkot ikkon hu buat giring-giring i, ai au do manuhor i, pailahon i, ninna ibana huhut mangissugut tu pudi. Mulak!. Mostok ate-astena!.

6 pemikiran pada “Tikting Hamauliateon

  1. Makasih, informasi dan pembahasan yg lumayan mengingatkan kita.

    Disini sy mau konfirmasi mohon konfirmasi nama WordPressnya(kata: latteung).
    Menurut sy tidak sesuai dng isinya yang memuat informasi, pembahasan, buah pikiran dan sebagainya yang mendukung dan positif. Hanya yg disayangkan nama domainnya tdk cocok alias kurang beretika dlm bahasa Batak.

    Kalau bagusnya diperbaiki, menurut yg tepat.

    Makasih, terlalu mencampuri.

    Asbond Salomo Manurung
    Hamba Tuhan.

      1. Horas !!

        Hehehe.. Makasih sdh ganti nama blognya lae. Ada beberapa kata dalam kamus Batak, seperti: Latteung, Lakkiap, Janggual mengandung arti yg sama, yakni ungkapan kekesalan hati. Jadi makanya sy usulkan diganti.
        Kalau mau uji keabsahan kata itu, bisa lae ceritakan ke teman2 lae, dan apa tanggapan mrk adalah sama dgn diatas.
        GBU!

        1. hahahhahaha tengkiu laeku atas komentarnya

          sepertinya untuk mengganti nama domain ini, tak bisa lagi, harus pakai nama barulah. dan sepertinya nama unik menjadi nama trend saat ini. seperti nama masakan, nasi goreng gila, nasi kucing, sop janda dll…semakin unik semakin menarik bukan?

          horas

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s