Holan Saleter do bedana…

“Dang pola alaponmu au, lola innon karejom, paboa ma nomor piga do bus tu Bekasi ” ninna OppuJamordong.
Nunga saminggu lelengna ibana di jabu ni sipaitonga, ima amaniHolong. Molo tung mulak pe ibana tu huta, ba ninna rohana ikkon sian jabu ni amanJamordong do, ai ido na gabe ondolan ni harorona tu Jakarta on. Nian dang mardia ibbar jabu ni gelleng, alai nunga tusi hian ibana parjolo sahat, jala disido sude ugasanna.

Ninna rohana, aha ma haliluon di Jakarta on, ai dang na holan sahali dua hali be ibana mangaoti kota on. Mardomu ala karejo be do gellengna, ba dang pola sai lolaan be. Ai diboto ibana, dukkon dua minggu ibana di Jakarta, nunga manang na piga hali amanJamordong lola karejo, holan mandongani ibana mangebati akka pamili na asing.

Nga sajom lobi ibana paimahon bus Mayasari di Cawang, apala di jolo ni UKI. Ai didok AmanJamordong mar-Mayasari 9B do ibana. Sai maos diida ibana jomna, alai dang marnamullop bus on. Bah!..nga pelak. Toppu di ida ibana ma bus Mayasari no P9. Dilojokkon ibana, jala di luppat tu bagas.

“Eah, ollobolokni, tor beguaha huroa, ai dia ibbar ni i, sai maos pinaima-ima no 9B dang marnamullop, naik on ma iba, sarupa no P9 do” ninna dibagas rohana huhut dilului huddulan.

Saparisana sigaret lelengna, dibege ibana ma kenek on marsurak sian pittu ni bus on “Gadung…gadung, rapat belakang, Pulogadung…Pulogadung.”.
“Bah, ai na ikkon lewatanna do naing Pulogadung asa tu Bekasi” ninna muse, alai di pasip.

Tep ma, nunga sahat be di Pulogadung. Martuatan ma jolma, jala tinggal sahalakna. Huroa halak batak do kenek on, jala sian pardoppahan diboto do na halak batak oppuJamordong. Disukkun ma tu ibana “Ai lao tudia ho oppung, olat ni on nama motor on”.
“Bah, basa? naeng tu Bekasi do au”
“Nga sala bus hamu, no 9B do”
“Ai aha ibbar ni i, holan ala ni saleter nai nama i, da pajonok-jonok jala sadalan do no 9 tu no 9B?” ninna oppuJamordong
“Daong, nga mabbal i, asing be do tujuanni ni”
“Dia do muse, jai naik aha nama au tuBekasi?”
“Naik on ma ho oppung, Koasi 01, dungi tuat ma ho di Proyek, marsabbung ma muse Koasi no 12, tuat ma ho di Pekayon, dungi lului ma motor no 02, doppak Jatiasih” ninna kenek on.
“Na pamauphon au nama ho, dipatorang ho gajjang hian, ai lao pamatehon do ho?, paulak au muse tu ingananhu sinakkinon” ninna ibana, mekkel keknek i dibagas rohana.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s