HATA SO PISIK

Sitombol

Piga-piga hali nunga hudok, anggo dang di ulaon saripe, di ulaon na metmet naasing hita marsiajar mandok hata, ba didia be?. Alai dah, on ma jeana halak hita on, tarlumobi ma akka dongan na poso, nda holan marpollung di lapo do dang siajaran?. Ai molo nunga didok, asa ibana mandok hata gabe-gabe, hata apul-apul, hata hamauliateon manang hata na marboho nadia pe nuaeng i, tor golap do dihilala. Sumurut be do tu pudi inganan parhuddulna molo nga dapot tikki mandok hata.

Songoni do nang di parpunguan arisan ni amanJaholong. Rappak sai hira na markoor do mandok ’sitombol’ ma. “Sian horong ni pamoruon nami ma jo, pasahathon hata hamuliateon, asa tapasippul ulaon arisan di botari on” ninna amanJaholong, diranapi tu dongan ama. Tor hatop be do nasida masituganan. Tu amaniButtulan ma sude pamereng i, ala pamatangna na tumua ima sahalak sian pamoruon.

“Baen ma abang, sitobbolma hita” ninna amaniUrupan
“Ima tutu amanguda, nga dumenggan ho” ninna amaniJahirlong muse huhut dipagalak sigaretna.
“Satolop ma hami sian horong boru-ina, sitobbolma, baen ma akkang” ninna naiHosea sian dapur an, holan soarana nama habegean. Dibaen i paula pature akka galas nang si inumon, bohama ibana sahalak boru di arisan i.

Ujung na dang tarjua be, dibaen amaniButtulan ma

Songoni nang di horong ni amaniJaholong. “Tu hita pe dah, namardongan tubu, ba tabaen do sian hita saotik hata, ise ma hita mandok hata, ninna roha ala torop so piga na ro, ris ma hita” ninna manguduti. Alai tong do songon pamoruon nakkinon. Namardongan tubu pe tor dipadao do dirina sian na mandok hata gabe-gabe on. “Sitombolma hita, baen ma amanguda, nga sai unjago hatam” ninna amaniMessi, huhut paula mangabing si Messi, siappudansa namarumur 3 taon.

“Dang sai holan au, dah, uhut muse asa sude hita makkatai” ninna mangalusi.
Sip do sude.

Ujungna, didok amaniBunga ma hatai, hata hamauliateon tu namanjabui. Holan sidung didok hatai, tor uduti na deba ma “Ima sian hita, sitombol ma hita”.

Disada tikki, mararisan ma di jabu ni amaniGrasia.  Ima sahalak pamoruon ni punguan i. Dang HKBP nasida, HalakKita Batak Partapanuli. Sian Solo do nasida jala na mambuat naiGrasia boru ni punguan i. Hape naiGrasia on pe nunga sorang di Cikini, lapatanna dang haru hantus na marbahasa batak on. Nian tung na burju do ripe na poso on mandohot punguan. Diboto do rupani, na adong mudar ni batak di nasida, jala dioloi do poda ni naua-tua i, asa mandohoti punguan parmargaon.

Sahat ma tu na mandok hata hamuliateon. Songon na hudok nakkionon di gijjang, ma sitombol ma luhut na ro i. Sian poamoruon nang sian namardongan tubu. “Jadi songoni ma ito, nang di hamu hela, hupasahat hami ma tikki mandok hata pangappuon, kami sudah mengucapkan terimakasih mantu, begitulah adanya perkumpulan ini, kami berikan lah waktu pada kalian untuk menjawab” ninna amaniJaholong, marsappur hata batak dohot hata indonesia BTL, batak tembak langsung.

“Akupun, kutambahin lah sedikit, semoga uang arisan yang kalian terima berlipat ber-irit itu kalian pake kalau untuk usaha, dan membawa kepintaran itu kalau untuk uang sekolah bere itu si Grasia” ninna manguduti. Ai didok ibana berlipat beririt ima namarlapatan marganda marmuyok, jala makkorhon hapistaran didok gabe mambawa kepintaran. Bohama BTL.

Masiberengan amaniGrasia dohot niolina.

Didok ma mangalusi hata i. “Pakai bahasa indonesia lah kami ya amang dan inang, tak pintar kami bahasa batak. Jadi terimakasih banyak kami ucapkan buat kehadiran kita semua, amang dan inang  sudah datang ke rumah kami. Dan khususnya terimakasih kami ucapkan pada sitombol yang kalian berikan. Semoga sitombol itu dapat kami hikmahi. Jujurnya, kami tak bisa memberikan sitombol pada amang dan inang, hanya makanan alakadarnya itulah. Semoga dikemudian hari, sitombol ini bisa kami berikan” ninna amaniGrasia.

Ai beguaha do huroa sitombol di pikkiran ni amaniGrasia?. Nga peol be!.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s