Satonga Tobat

Dang piga jolma songon amanJamordong. Naburju, na pantun, jala sada na biar tu hata ni Debata. Tarida do sian akka pangalahona siganup ari. Dung paddita ma ibana tahe. Molo di huriana, dang pola ikkon tammat sian sikkola, holan malo ibana pajojorhon hata ni Debata na tarsurat dibukku na badia I, jala pantun marpangalaho, boi do dibaen gabe pandita. Geok do sipata. Ise naso mananda amanJamordong. Nian, dang polo piga donganna sahuria na mamboto ai par ‘dunia malam’ hian do anggo ibana. Alai dung pajumpang dohot niolina– parsonduk bolon, dipadao ma sian akka hahodaron i. Ido mulana gabe pandita ibana.

Disada tikki, pajumpang do ibana dohot dongan na na somal di dunia malam, najolo. Marsihaolan huhut rap mekkel, marningot sude akka parngoluon ni siapari, najolo. Takkas do dipabotohon amanJamordong naung gabe pandita, ninna rohana, sotung salpu akka pakkation ni amaniJatikkos, donganna i, asa unang di paningot-ingot be akka sibokka nahinan.

Ia amaniJatikkos sahalak MC (Macter Ceremony) di kape-kape ni halak. Dung pajuppa nasida diarahon amaniJatikkos ma ibana tu kapena. “ Beta ma amang pandita nami, dohot pe inanta soripada, holan membege akka lagu batak, jala marningot akka kenangan najolo do, dang manang na dia,” ninna amanJatikkos.

Ido tutu, soloman ni amanJamordong tu lagu batak.

Burju do rohani amanJamordong, disukkun ma inanta soripada. Marsiberengan nasida. Ninna roha nian, molo dohot do inanta dang pola haduk dibereng halak.

Jala, disuhuthon amanjatikkos do, naung kapena i. “Sai holan di halak iba karejo, andigan be niluluan di iba” ninna ibana. Rap mekkel nasida nadua. “Mardomu adong dongan tubukku mammodali” ninna ibana muse.

Jeppek hata dohonon lao ma mansida natolu tu kape batak, inganan parkarejoanni amanJatikkos. Rap mekkel ma nasida nadua marsuhutan, sasahali di arbishon nasida pakkataiaon i, tu inanta pandita, jala sai ditaringoti nasida ma tikki di huta najolo, boha namasa tikki met-met.

“Ai headope hamu pajuppa dohot kedanta Amani Opuk namalo parsarune i? Ai hubege nga anggota dewan ninna sian Partai Sotarduga ateh….” ninna ibana.
“Daong bah lae, alai anggo kedanta na malo marende par kantor Pajak i, songon na di turbing-turbing KPK nina saonari,…”
“Diturbing boha”
“Olo, nga dua bulan dang sian on, somalna ganup malam minggu mamesan tebel do ibana” ninna mangalusi. Tebel maksudna meja.

Tabo ma nasida na marhata huhut mambege lagu i. Sasahali,dijou amanJatikkos akka pelayan na uli-uli i manaruhon akka siallangon na met-met. Jala lalap ma amanta pandita on marsuhutan, didok ibana nunga dao be sude rohana, pamatang na nang pikkiranna sian dunia malam i. Hape, asal ro akka boru-boru na uli i, dang tartaon amanta Pandita on, so panotnotnna itoan i, alai paula so dipataridahon ala dilambung na inanta panditai. Nang songoni tahe akka jola ma rende marsihaolan di jolo, dang malua sian pamerengan ni amanta Pandita on, nang pe mamereng manakko-nakko.

Mijur ma inanta pandita, lao tu ‘pudi-pudi’.

Holan lao inantai, pintor ro ma amanJamordong manjonoki amanJatikkos, par kape i, didok ibana ma,“ Ah….Na hebat ma ho puang, ai sadihari do di bukka ho kape mon, Dang nanggo dipaboa ho tu iba, Jala jam-jam piga do marbukka on, ai do adong assara hebat i, asa sai ro iba…..”

Tippas!.

5 pemikiran pada “Satonga Tobat

  1. Ai didia pe Lae sai diharappon do Balance (seimbang kiri – kanan) jadi dang pola sala attong na satonga tobat … jala undenggan doi daripada dang martobat…. dangi do … mamesan tebel ma jo ahu bah alana ulang tahun istri ni hombar jabu … heheheheheh

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s