Beranda » Kategori » HATA SO PISIK » Kosong Pitu tu Tolupulu

Kosong Pitu tu Tolupulu

Sai tor dipatupa AmanJatikkos do sipanganon natabo sian namarmiak-miak molo ro hula-hulana, marga Marbun mamusuri nasida.

Ai gabe hasomalan nama di huta na ribur on, molo ro hula-hula ba dipatupa sipanganon sian namarmiak-miak. Songoni nang hula-hulai sai diboan do dengke lao pasahatonna tu pamoruonna. Sian ulaon mangirdak–manaruhon aek ni unte–didok hata dison tujuhbulanan–, sahat rodi na tardidi siUssok, dungi Malua, sahat tu na naik Pangkat, ingkon mangarade ma hula-hula mamboan dengke.

Molo songon iba nian, autsugari ma adong tahi lao mamusuri boru, ingkon jolo hu telepon do nasida. “Horas ito, ai naeng ro hami mamusuri sibutet, sangkap nami ari minggu on ma, jala dang apala adong ulaon namarboho, holan na naeng mamereng sibutet i do. Jei, aha ma boanonku itokku soloman ni roham, Ka Ef Si ma?, Hoka-hokabento ma?, Mekdonal do? manang na BakMi Goreng Siantar?, manang Capcay ma huboan hami?”. Ima dohononku.

Ai boasa sai boanon Ikkan Mas, hape boru niba dang mangallang i?. Di rohana, sai disura-sura do naeng mangan Jagal Hambing na Pinadar sian Hula-hulana, nda i ma patupaon?.

Ah, anggo ikkan mas do, gok di lapo ni OppuMarsangkap!.

Dungi nidok ma muse “Unang pola loja ho ito patupa sipanganon, lumobi namarmiak-miak, ai nga husubanghon i sian najolo, jala diorai pangubati do allangon ni edam sisongoni. Jolo sahat ma hami ateh ito asa patupa. Pohul-pohul, Possal, manang Mi Gomak ma patupa molo ringgas roham, nga masihol au manganton i”

Jei sai hira nagabe adong do hata “naingkon”, ima ingkon patupaon ma namarmiak-miak molo ro hula-hulana. Ujungna, olo do gabe manamba sidabuan-siganup bulan ni boru. Molo tubu si uccok, manang sorang sibutet, patupaonna namarmiak-miak, nda tumagon ma hepeng tu sipanganon satokkin i, tumaha ma di baen pasisusu ni si uccok na baru tubu i manang manuhor sipanganon na tabo tu inana, asa tung humatop mulak gogona?.

Dang  sude boi manghatahon hata ni sipanganon na binoanna. Songon AmaniPaian ma, ala ama naposo, nabilangan bulan dope marhasohotan, datung diboto mandok hata nisipanganoni. Mardomu, tingki di haposoonna datung hea dilean rohana lao manangi-nangi di ulaon adat.

Songon hatangku nadiginjang ondeng, diboan ma sipanganon Ikkan Mas tu jabu ni AmanJatikkos siala partuu ni siJatikkos.

Dung Simpul mangan, dapot ma panghataion.

Dipasahat ma tinggi tu ibana. Dang hajuasa, ala holan ibana do ama sian horong ni hula-hula, disungka ma mandok hatana.

“Mauliate ma tapasahat tu Amanta Pardenggan Basa i, ala dilean tingki na denggan tu hita, jala dilean sada passu-pasu tu hamu Laenami, nang Ibotonami, ima naung tubu si Ussok, si Jatikkos. Dison ro do hami mamboan Tolupulu tu hamu, songon upa-upa ni bere nami nang ibotonami, sipanganon parhorason do i. Songoni do tong, hupasahat hami mauliate ala dipatupa hamu do sipanganon KosongPitu i, ma nga husagatton hami saluhutna, horas ma hamu napatupahon, songoni hami na manjalo hut mangatton”

Longang ma naumbegesa, dungi dihusippon sahalak nadilambungna  ma.
“Ai aha do KosongPitu i?”.
“Babi…., haduk rohakkun mandok babi” ninna mangalusi hut marhusip muse. Huroa dang hea dibege ibana hata “namarmiak-mika, manang lomuk”.

Jei ToluPulu i pe, na mandok IkkanMas do i. Tippas ma!….na tukang rekap hian do huroa.

4 thoughts on “Kosong Pitu tu Tolupulu

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s