Beranda » Kategori » HATA SO PISIK » Parsorion mandok goar ni simatua

Parsorion mandok goar ni simatua

Piga ari na salpu mar-sms ma amanta Ketua RT tu ahu. Didok lao padimposon data ni sude ripe na adong di RT nami, hut ma mangalean datai tu Kessamatan, ninna asa singkop tong data nasida. Ai songoni do di hutanamion, nga piga taon iba tinggal dison, jala KTP niba pe resmi do ditekken Samat, alai dang apala parsidohot molo adong ulaon pemilihan.

Dihumalaputi pamarenta ma nuaeng mambaen E-KTP. Ninna asa adong gabe data tu pemilihan umum dua taon na naeng ro. Jei, sude ma hami, warga RT i didata muse, asa unang adong na so dapotan E-KTP.

Sai adong do na geok.

Ninna par-kessamatan, dang marlakku Kartu Keluarga na rara i, songoni nang KTP na tinekken ni Samat i. Ingkon na pinaharuar ni Dinas Kependudukan do na tingkos. Molo KK/KTP nunga di tekken amanta kepala Dinas kependudukan, holan na mampoto nama lao mambaen E-KTP.

“Naso dietong  do jolma hitaon, akka namarKTP natinandatangan ni camat on?” ningku, hatiha marpungu-pungu hami dohot dongan hombar jabu.
“Manang naso jelas do sitatus ni Samat na manekken KTPtaon?” nikku hut hupaharuar KTP i. Disi, takkas do disurathon goar ni Samat i, ditekken ibana, songon utusan ni Bupati.

Ujungna rupani, ingkon mandaftar ulang ma muse, asa gabe dohot iba warga negara Republik Indonesia on, na marnampuna KTP. Holan hata do mambaen KTP dang margarar anggo satohona, tong do lao par-gossapan i, manang limapulu ribu sada KK. Datung adong na pere-pere manang na garatis di negara on. Sude do margarar, manang beguaha sambing. Holan mekkel, jala holan na manjaha sitatus on do naso margarar, jei jaha hamuma ateh, baliccan pere-pere. Haduan pe, molo nga artis au, ikkon margarar nama manjaha sitatushu…..

Huulahi ma muse manaringoti SMS ni amanta ketua RT nami i.

“Pak Hendry, tolong SMSkan nama orang tua bapak, ayah dan ibu. Juga nama mertua laki-laki/perempuan, untuk melengkapi data warga kita di kecamatan”, hira songoni ma rupani isi ni SMS na i.

Jei burju rohakku hudok mangalusi, “nauli amang rajanami”, dungi hu SMS hon ma goar ni natua-tua i, Oppu Partogi Doli dohot OppuPartogi boru.

Bakkol do roha manurathon goar ni inong niba. Heado hudok tu par-Bank dohot tu parkartu keredit, hatiha disungkun “Nama Ibu kandung, Pak Hendry” ninna. Hualusi ma antong itoan parsuara na lambok i “Bu, bisa nggak sih, jangan kalian suruh-suruh aku menyebutkan nama gadis ibu kandungku?”
“Kenapa, Pak”
“Iya, bagi kami orang batak, menyebut nama ayah, atau ibu kandung itu adalah pantang. Dan bila ada orang yang menyebut nama ayah apalagi nama ibu kandung kita, sama saja sudah menginjak harga diri kita.”
“Bapak ada saja”
“Benar Bu, pantang menyebut nama orang tua, bisa hancur mulut kita, kena karma” ningku muse, gabe mengkel itoan i. Dang huboto mambahasa indonesiahon “malala pamangan, manang malala baba”, gabe hudok ma “hancut mulut….”
Alai ala nunga didok, ido aturan na binaen ni pamarenta, ba gabe hudokma goar ni dainang, OppuPartogi Boru.

On pe dah, dang porsea amanta ketua RT i ala hudok “Pak, aku tidak tahu nama mertuaku, apalagi nama lengkap mertua perempuan. Kalau mertua laki-laki, aku tahu, karena sering kubaca di depan rumahnya” ningku mangalusi. Ai mangontrak do simatuakku di Pondok Kelapa, ima di TPU, jei molo lao hami tusan lao paiashon jabuna, sai tor tarjaha do disi Capt.Binsar Tambunan.

“Bisa di pecat Pak Hendry menjadi menantunya, nama mertuanya saja tidak tahu” ninna amanta ketua RT i, hut dibaen ha..ha….ha..paboahon na mekkel ibana.
“Waktu pacaran sama anaknya, aku kan nggak nanya-nanya siapa nama ibunya?” ningku mangalusi
“Tidak pernah menyebut nama mertua?” ninna amanta ketua RT on, dang porsea ibana
“Pak, bagi kami orang batak, sangat menghormati orang tua dan mertua. Sehingga  menyebut nama mertua, atau nama orangtuapun tidak diperbolehkan. Bahkan, nama menantu, nama istri dari adek, nama istri dari ipar, dan banyak lagi, tidak boleh disebut namanya. Pokoknya orang batak itu ribetlah” niku. Alai hut ma hu BBM NaiPartogi, manukkun, “Ai ise do tahe, goar sidanak ni inang?”.

Dang muse tor dialusi naiPartogi on, gabe disukkun muse do “Tuahai?” ninna. Tong ma gabe leleng, songon nadiparadatan ni halak batak, masialusan sian baribaon tu baribaan. Dung dilean naiPartogi goar i, hu SMS ma tu amanta ketua RT i. Jayana ma i

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s