Beranda » Kategori » True Story » Hadiah Ulang Tahun

Hadiah Ulang Tahun

NanJatikkos, sahalak ina naringgas jala nunut mulaulaon. So binsar dope mataniari nunga lao manopot ulaonna. Jala dung pe bonom pe mataniari asa massojot mangula, jala ditahi mulak.

Di sada tingki, ima ari hatutubuna, tarsunggul ma tu rohana, hut ma didok dibagas rohana, “limapulu taon nasalpu ma au sorang, topet songon sadarion”. Dietong ma ariari naung bimolusna. Nga matua daging, simalolong lam rambon, jala mura-mura loja. Dang hea dipestahon nasida ari hatutubunai. Pasuda naung adong, hape godang dope narumingkot siani. Ima anggo dirohani ni NanJatikkos. Mamolus buti do ariani, marganti dohot borngin so dibilangbilangi.

Nasopamotoanna, marrapot ma anakkonna na tolui. Ia isi ni rapoti ima, ima laho mamestahon ari hatutubu ni inongna. “Boha molo horung ta tuhor?” ninna si Jatkkos.

“Unang ma, adong do horung ni inong, naasing ma. Boha molo baju, ai huparate-atehon na piga bulan on, dang hea do ganti baju ni inong, jadi baju-baju ma ta tuhor” ninna si Padot, anakna sipaidua.

“Aah…annon dang pas, hape naeng mambaen sada ‘kejutan’ do hita,” ninna si Sopia.

Ala dibereng songon na tabo pakkataion ni anakna natolui, didok amanJatikkos ma “Songonon ma i, rap mangan hita, tabaen ma partangiangan na met-met manghamauliatehon tu Tuhanta ala dilean do ganjang ni umur di inongmu, dungi molo tung talean pe annon baju, horung, manang naasing siani, disima, dung sidung marsipanganon. Ai aha sipanganon lomo ni rohani inongmu, ima tapatupa. Annon molo dung lao ibana, taloppa ma dijabu, asa tung las rohana”, ninna.

“Olo, Bapa” ninna be, huhut las roha nasida ala satolop do hape amangna tu nasida laho mambaen sipalas roha ni inangna. Anggo sileanon i, nunga mardos roha nasida, kebaya nama leanonna.

“Sop  ulu ni dekke ma tapatupa…ai molo mangan hita, sai ulu ni dekke do di inong, jala hea do didok, holan uluna do solomanna. Tabo ma tabaen, asa las rohani inong.” ninna si Sopia

“Ido tutu anaha,…ai mulai sian na sohot hami, sai didok do, uluna solomanna…” ninna amana mangalusi.

Dos ma rohana, di parade ma na hombar tusi. Dipahobas ma pangaloppaan, dipalas ma aek, dipature nasida bumbu, dilului ma ulu ni dekke tu onon. Nabolon ma di tuhor. Las rohanasida mangulahonsa. Las situtu do rohani amanJatikos mamereng natolui, ala diboto do hape mambaen na denggan tu inongna.

Tutu ma dah, dapot ma ditikkina, dung martahi botari, nunga mulak nanJatikkos. Ai mulak sian pargurendean pararikamis di ibana. Naso panagaman ni rohana tor dibuat niloina amanJatikkos ma aek na tonggi na nigulaan si inumonna. Longang rohana mida i, dang hea diope. Songoni siangkanganna, holan hundul ibana pittor didampoli patna,, gabe songon na tamba ma longang ma rohana.

“Aha namasa?” ninna manukkun.

Dang maralus. Sip do sude, hut serom. Ninna si Sopia ma “Inong, beta ma mangan nunga hu lompa hami, na tung mansai tabo situtu di inong”. Lam martamba-tamba ma longang ni rohana, sai dipikkir na marnipi, alai dioloi do anakkonna i, ala nunga sai ditogihon.

Dibukka ma tutup ni sipanganon i, jala dibereng ma sipanganon ulu ni dekke i. Sian uapna dohot sian rupana, nunga tung denggan jala hushus situtu. Rap mandok ma nasida “Selamat ulang tahun, inong, nion ma sipangangon soloman mi ” huhut ma di umma hurum ni inongna.

Dang jalo dialusi nanJatikkos, alai manetek ma iluna, ro sian simalolongna. Marsigoitan ma namartinodohon, rap dohot amana, jala marsusip-husip ma na sida, mandok, sonang ni rohani inong na manjalo sipanganon i,  gabe tangis tarilu.

Mekkel ma nasida na opat, las roha na sida ala dibereng, tangis inong na i ala pambahenan na sida di ari ulang tahun i, molo dihata sisaonari dipikkir nasida ma ro ilu ni inanai ala ni na terharu.

Songoni do nang AmanJatikkos, dibereng ma namasai hohom, didok ibana ma ”Buat ma attong, asa las rohani anakmi, ai nunga sadari nasida paturehon i, diboto do soloman ni rohami”.

Nang pe sai ro dope ilu ni Nai Tarida, alai didok ibana ma hatana ninna ma nanget situtu ”Dihamu anakku, dohot ho bapa, nunga tung mansai las rohakku ala di ingot hamu dope hape ari hatutubukku, tohomai mandok mauliate do au, nang pe tu hamu gellenghu. Holan on ma si ingoton muna..”

Sip ibana satokkin, jala dipanotnoti ibana akka anakkonna na tolu i.

“Mulai sian na tubu au, sahat tu namarhamulian, dang hea huallang uluni dekke, gulamo, uluni manuk, gair-gair ni manuk, ai huboto do soadong siallangon sian i. Ai holan holi-holi do disi, jadi dang adong dai nii. Ise ma halak na olo marhasoloman tu uluni gulamo?. Alai botoonmunama, huallang jala hudokpe lomo rohakku midai ala soadong do hamu mangallang i. Asa dihamu do akka tonga-tongana, sibukna. Unang marisuang sipanganon i. Ai anggo diau, umporlu do hamu sude, molo nunga butong hamu mangan rap mekkel, nunga sonang rohakku, agia pe holan ulu ni gulamoi di au. Ai di ingot hamu do mulai sian na menek hamu?, adong do na olo hamu na tolu, dohot ho bapa,  mangallang ulu ni gulamo? dang adong!. Sude do margulut tu sibukna, ujung na di au ma uluna. Nang pe songoni, mauliate do dohonon ala di ingot hamu dope hape sadari on …..” huhut ma sai manetek iluna.

Holan dibege songoni, mangandung ma anak na natolu i sude, di haol ma inong na, dang tardok nasida be manang aha. Dang hape ditanda nasida ise inong na.

—o O o —

Sering kita melupakan hal yang sepele dari orang-orang yang kita cintai, sering kita salah mengerti akan apa yang mereka perbuat ketika kita bersama-sama dengan mereka. Sebenarnya kita tidak tau, bahwa kadang mereka berbuat sesuatu hanyalah untuk menyenangkan kita, dan karena kebesaran jiwa dan rasa cinta kasih kepada kita, sering mereka melupakan kesenangan mereka, demi kita. Kadang kita cuma bisa melihat apa yang dilihat oleh mata kita sendiri, tanpa memikirkan apa yang dilihat dan dirasakan oleh mata hati kita. Kita bisa seperti ini hanyalah karena kasih dari orang – orang yang mencintai kita, karena pengorbanan mereka dan karena cinta mereka kepada kita. Demi cintanya seorang ibu kepada anak-anaknya, si ibu sanggup tidak membeli baju baru hanya untuk memenuhi kebutuhan si anak.

Hanya dengan kekuatan cintalah si ibu bisa bangun pagi-pagi benar untuk menyiapkan sarapan pagi bagi kita dan segala kebutuhan kita. Tanpa rasa malu dan bau busuk seorang ibu sanggup menjadi pemulung dan mengumpulkan sisa-sia makanan dari rumah makan untuk dijadikan pakan ternak, dijual untuk memenuhi kebutuhan kita.

HAnya karena cinta, seorang ibu tahan berlama-lama bekerja di sawah dan diterpa hujan dan matahari. Hanya karena cinta, seorang ibu mau berdiri selama berjam-jam di bus kota menjajakan penganan untuk mencari sekeping logam, buat beli makanan anak-anaknya. Itulah keperkasaan dari tangan seorang perempuan yang bisa mengubah dunia.

Ungkapkanlah cinta dengan rasa peduli pada orang-orang yang kita kasihi di sekeliling kita.

—–o0o—-

Kudedikasikan tulisan ini pada inong pangintubu, oppung ni si Josua boru Manullang  SELAMAT HARI IBU OMAK!

Kosa kata :

Gulamo = Ikan Asin
Soloman = kesukaan pada bagian tertentu dari makanan

4 thoughts on “Hadiah Ulang Tahun

  1. Ping-balik: Hadiah Ulang Tahun Untuk Ibu… | PAKKATNEWS

  2. Daga tahe….
    Holong ni natoras tu gellengna, jot-jot dang diantusi gellengna i. Ninna roha naeng pa las roha ni natua-tua i. Hape gabe songon na marisuang.

    Alai ra hira songoni do horoa hangoluan on, tu siamun ninna roha, hape gabe tu hambirang do hasilna…

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s